Balena dhe delfini, imazhe te rralla

Imazhe të jashtëzakonshme janë fiksuar në aparatin e profesionistëve, kur një balenë vrasëse 8-tonëshe kërceu sipër ujit dhe në ajër kapi prenë e saj, një delfin, të cilin po e ndiqte prej dy orësh. 

Pamjet spektaktolare janë fotografuar nga fotografi Christopher Swann, i cili prej dy dekadash ka qenë vëzhgues i balenave.

Delfini fillimisht ishte në grup me delfinë të tjerë në ujërat e brigjeve meksikane, por ndërsa të tjerët gjetën rrugën për t'u larguar, delfini i gjorë mbeti në mëshirë të balenave.

"Balenat vrasëse u rrotulluan rreth delfinit për gati dy orë. Nuk dinim se ku të fokusoheshim, pasi prisnim që delfini dhe balenat të dilnin në një zonë të caktuar, kur në fakt ato ishin larguar metra të tera distancë. Ishte një moment kur delfini ishte shumë pranë nesh, aq sa menduam se do të hipte në barkën tonë, por ne fakt kërceu sipër nesh dhe përfundoi në ujë në anën tjetër", tregon Swann.

Gjithesesi me anë të këtyre imazheve përcillen pamje të rralla, por njëkohësisht edhe beteja për të qëndruar në jetë e delfinit.

"Kisha ndjesinë, - ndoshta gabohem, - që ora e fundit ishte e panevojshme sepse balenat ishin mbledhur dhe po luanin me delfinin, deri kur në një moment ndërsa binte muzgu, ato e nxorrën delfinin në sipërfaqen e ujit dhe aty gjithçka mbaroi...", tregon Swan.

Pajmet e perplasjes se trenit ne Spanje

Momenti kur treni me pasagjerë u përmbys duke shkaktuar 78 viktima në Spanjë, pranë Santiago de Compostela, është kapur nga një prej kamerave të sigurisë dhe videoja është postuar në Youtube. 

Imazhet e tmerrshme tregojnë përplasjen e trenit me murin e më pas përmbysjen e tij.

Sipas ‘El Pais’, një nga drejtuesit e trenit që mbeti i bllokuar në kabinën e tij, i tha qendrës hekurudhore se treni hyri në kthesë me 190 km/h në një zonë ku shpejtësia maksimale e lejuar është 80 km/h.

Sipas burimeve pranë hetuesve të këtij aksidenti të rëndë, ai ka shtuar: “Jemi njerëz, bëjmë gabime. Vetëm shpresoj të mos ketë viktima pasi do më rëndojnë në ndërgjegje.”

Vajza qe ka dy gjuhe ne goje

Kjo eshte nje video mjaft interesante. Do te shihni se si nje vajze hap gojen e saj dhe brenda ka dy gjuhe. Eshte nje video me te vertete mjaft e vecante. 

Ju ftojme ta ndiqni ne kanalin e "EKLIPS Media" ne Youtube.

Will & Kate: Si mos te jemi te lumtur?!

Me një festë të përshtatshme për një Princ, Catherine (Kate), Dukesha e Kembrixhit, dhe i shoqi i saj, Princi William, mirëpritën lajmin e gëzueshëm për lindjen e fëmijës së tyre të parë, ditën e hënë. 

Fëmija ishte i seksit mashkull, u lind më 16:24 minuta të së hënës dhe peshonte rreth 3,8 kg. Emri i tij është nuk është shpallur, pasi ishte lënë surprizë edhe vet gjinia e foshnjës, që do të jetë trashëgimtari i tretë në radhë për kurorën.

“Lartmadhëria e saj dhe fëmija e saj janë në gjendje të mirë shëndetësore”, lexohej në buletinin zyrtar të vendosur jashtë Buckingham Palace, ku turma shpërtheu në brohoritje. 

 

Njerëz nga e gjithë bota ishin mbledhur jashtë Buckingham Palace, në pritje të lajmit të lindjes, nga të cilët disa grupe kishin sjellë lule e shampanjë për Dukën dhe Dukeshën e Kembrixhit. Burimet në sheshin Trafalgar u kthyen në ngjyrë blu. 

 

Kryeministri David Cameron përshëndet e uron 

  

“Jam i sigurt se anembanë vendit dhe anembanë gjithë qytetërimit, njerëzit janë duke festuar dhe i urojnë çiftit mbretëror gjithë të mirat”, tha kryeministri britanik, David Cameron. “Është një moment i rëndësishëm në jetën e kombit tonë, por besoj se, mbi të gjitha, është një moment i mrekullueshëm për një çift të ngrohtë e të dashur, të cilët janë bërë tashmë me një djalë të sapolindur”, shtoi ai.

William & Kate: Nuk mund të mos jemi të lumtur 

 

Princi William ka qëndruar gjatë gjithë kohës përkrah Catherine, gjatë momentit të lindjes, teksa fëmija u lind natyrshëm dhe jo përmes një operacioni çezarian, bëjnë të ditur burime nga Kensington Palace për CNN. “Nuk mund të mos jemi të lumtur”, kishte thënë Princi William, sipas këtyre burimeve.

Përshëndetje me të shtëna armësh

Çifti mbretëror pritet të qëndrojë në spital gjatë natës dhe nuk bëri asnjë shfaqje publike gjatë ditës së hënë. Ndërkohë, një përshëndetje me të shtëna armësh pritet të jepet gjatë ditës së martë, për të shënuar lindjen e Princit trashëgimtar.

Princ Charles (gjyshi) dhe e shoqja Camilla 

 

“Unë dhe gruaja ime jemi jashtëzakonisht të lumtur për ardhjen në jetë të nipit tonë. Është një moment tepër special për William dhe Catherine, por edhe për ne është një emocion i madh në këtë ditë të shënuar, kur u lind djali i tyre”, deklaruan Princi Charles dhe gruaja e tij Camilla, përmes një deklarate. 

 

Në orët e para të së hënës, Dukesha dhe Princi William udhëtuan me makinë nga Kensington Palace për në Lindo Wing, ku ndodhet spitali “St. Mary”, i njëjti ku janë lindur edhe William me të vëllanë e tij, Princin Harry, nga ish-Princesha e ndjerë Diana. 

Pushimet e Mbretëreshës nuk do të pezullohen 

 

Ndërkohë, edhe Mbretëresha Elizabeth II është rikthyer menjëherë për në Buckingham Palace, duke hequr për pak kohë vëmendjen nga pushimet vjetore, të cilat, siç është bërë e ditur, tashmë janë prenotuar me kohë dhe nuk do të pezullohen. 

Trungu familjar i Mbretërisë dhe radha e trashëgimisë së Fronit 

PayPal transferon tek nje person 92 kuadrilionë $

PayPal së fundi ka bërë një gabim, i cili me siguri që e ka gëzuar një person shumë, por përkohësisht.

Bëhet fjalë për udhëheqësin ekzekutiv të Pensilvanisë, Chris Reynolds, i cili ka marrë një shumë prej 92 kuadrilionë dollarë - $92,233,720,368,547,800 dollarë për të qenë më të saktë – nga PayPal.

Të paktën kështu thuhet në deklaratën e tij me e-mail gjatë qershorit.

Ndoshta disa tashmë mund ta kenë konsideruar mundësinë që të blejnë NewsCorp, BMW dhe Exxon në punën e parë investuese.

Reynolds në fakt bën disa shitje të gjërave të përdorura në eBay për një pagesë. Sidoqoftë, ai nuk është ndjerë që biznesi i tij po shkonte aq mirë.

PayPal ka pranuar për CNN që kishe ndodhur një gabim. Vetë ndërmarrja nuk e ka atë shumë të parasë.

Në një gjest për mirësjellje, PayPal ofroi që të bënte një donacion për një arsye të zgjedhjes së Reynolds-it. Sasia nuk është cekur, por sigurisht që është më pak se 92 kuadrilionë dollarë.

- See more at: http://www.pcworld.al/paypal-i-jep-gabimisht-nje-personi-92-kuadrilione-dollare-perkohesisht/#sthash.YYxdKyWC.dpuf

Vajza shqiptare qe po sfidon Kim Kardashian

Ish-e dashura e Kris Humphries, shqiptarja Myla Sinanaj, shpreson të bëhet e suksesshme duke lançuar një video seksi. Fatmira, e cila preferon të thërritet Myla, e ka xhiruar tashmë videon pikante me një sozi të basketbollistit Kris Humphries, ish-burri i Kim Kardashian. Xhirimi është bërë nga Vivid Entertainment, e njëjta kompani që shpërndau në 2007 videon seksi të Kim Kardashian, një filmim që e bëri të famshme vajzën me forma të bollshme, që nuk njihet për ndonjë talent të veçantë.

Por vajza me origjinë shqiptare duket se është e vendosur të ecë në të njëjtët hapa që ka ecur Kim. “Mund të mos e pëlqej dhe aq Kimin, por ajo është e zgjuar dhe seksi. Fakti që unë i ngjaj shumë më bëri të mendoj, pse të mos bëj një video seksi dhe të nxjerr edhe unë miliona nga ndonjë reality shou?”, citohet ajo nga Daily Mail.

Myla thotë se ka bërë një marrëveshje me kompaninë Vivid para xhirimit të skenave, madje me partnerin që shfaqet në video ka pasur një tërheqje fizike që në momentin e parë.

Vendimi i Mylës më shumë se sa një përpjekje e guximshme, është një kopje strategjie,pasi pikërisht për shkak të videos intime me reperin Ray J, ajo u katapultua menjëherë në majat e shoubizit, duke nxjerrë miliona dollarë fitime. Kim filmoi momentet intime me të dashurin në moshën 23-vjeçare, ndërsa reality shou i saj fitimprurës “Keeping up with the Kardashians” nisi tetë muaj pas shpërndarjes së videos.

Vitin e kaluar, videoja u rikthye edhe njëherë në qendër të vëmendjes, për shkak të një videoje tjetër ku shfaqeshin tri parukiere duke e parë. Vivid i bleu të drejtat e videos për 1 milion dollarë, ndërsa në prill të 2007-s, Kim braktisi procedurat ligjore që kishte nisur kundër kompanisë pornografike, duke arritur me të një ujdi prej 5 milionë dollarësh.

Fatmire Sinanaj u bë personazh i shtypit rozë një vit më parë, ku u shfaq në disa foto në plazh me basketbollistin Kris Humphries, pak janë pasi ky i fundit ishte ndarë nga Kim Kardashian, me të cilin pati një martesë që zgjati vetëm 72 ditë. Myla dhe Kris mendohet se janë njohur në ambientet e një hoteli në Nju Jork, ku ajo punonte. Ngjashmëria në fytyrë dhe trup e Mylës me Kim nuk kishte si të mos tërhiqte vëmendjen e medias dhe Myla u gjend në faqe revistash e gazetash për disa ditë me radhë. Ajo madje nisi ta shprehte hapur antipatinë që kishte ndaj paraardhëses së saj në lidhje me Kris, Kim Kardashian. Myla akuzoi Kim se e kishte tradhtuar të dashurin e saj të atëhershëm, Reggie Bush, me reperin Kanye West, në një nga dhomat e hotelit ku ajo punonte.

Myla dhe Kris u ndanë pesë muaj pasi kishin nisur lidhjen. TMZ, një media që merret me jetën e yjeve të shoubizit, shkroi qershorin e vitit të kaluar se avokatët e Kris i kishin kërkuar FBI-së një hetim ndaj Mylës, e cila sipas tij ishte përpjekur ta shantazhonte.

Pavarësisht se gjithçka u shfry si tullumbace, fakt mbetet që Kris pati me Mylën një lidhje që zgjati më shumë se martesa me Kim Kardashian.

47 viktima ne Kine nga termeti

Një tërmet i fuqishëm që goditi provincën Gansu në Kinë ka shkaktuar 47 viktima dhe rreth 300 të plagosur. 

Tërmeti ishte i shkallës 5.98 ballë dhe ka shkaktuar gjithashtu shkatërrimin e 380 banesave.

Ushtria ka mobilizuar 500 ushtarë për operacionet e shpëtimit.

Në vitin 2008, një tërmet i fortë shkaktoi vdekjen e 90 000 personave në provincën Sichuan, ndërsa miliona të tjerë mbetën të pastrehë.

Burg britanikut, kercenoi ne Facebook

Një britanik, i cili kishte kërcënuar se do të vriste 200 persona në SHBA nëpërmes një postimi nën identitet të rrejshëm në Facebook është dënuar me më shumë se 2 vjet burgim.

Reece Elliott, 24-vjeçar, nga South Shields, e bëri këtë kërcënim në muajin shkurt në një faqe përkujtimore në Facebook të një vajze nga Tennessee, e cila vdiq në një aksident. Rreth 3 mijë nxënës në Warren County nuk kishin shkuar në shkollë ditën e ardhshme shkaku i këtij kërcënimi.

Elliott, i cili u shpall fajtor në muajin prill, u burgos për 2 vjet dhe katër muaj. Përndryshe, ai ishte në paraburgim qysh nga muaji shkurt. Duke e përdorur një emër të rrejshëm, Elliott shkroi: ‘Babai im ka tri revole. Fillimisht planifikoj ta vras atë dhe ta hedh në mbeturina, pastaj do ta marr motoçikletën dhe shpresoj të vrasë së paku 200 persona para se ta vras veten”. Ky postim i kushtoi këtij të riu me heqje lirie./Eklips-Media/

Greqi, vritet shqiptari i arratisur

Policia greke ka vrarë një tjetër prej shqiptarëve të arratisur nga burgu i Trikallës. Marian Kola është vrarë nga policia në fshatin Frosina në orët e para të mëngjesit të ditës së dielë. 

Gjatë operacionit të policisë ka mbetur i plagosur edhe një oficer. Tashmë policia është vënë në kërkim të shqiptarit tjetër të arratisur nga burgu, Ilir Kupa.

Burime policore thanë se për shkak të rrezikshmërisë së lartë që ai ka, forcat policore janë urdhëruar të qëllojnë menjëherë sapo të kërcënohen. Burimet sqaruan se Marian Kolës iu gjetën në trup sasi parash, armë dhe municione.

Trupi i tij do të dërgohet në spitalin e Janinës, ku dhe do të ekspertohet e në vazhdim do të dërgohet në Shqipëri pranë famijes së tij.

Të 11 të burgosurit, të gjithë shtetas shqiptarë, u arratisën nga burgu i Trikalas, 320 kilometra në veri-perëndim të Athinës, me 23 mars të këtij viti në orët e para të mëngjesit. Të gjithë ishin të dënuar për grabitje dhe vjedhje.

Në fillim të muajit, forcat speciale greke të angazhuara në operacionin për kapjen e të arratisurve vranë dy prej tyre me të paktën 20 plumba në trupin e secilit

Te biesh nga pesha, merr monedha ari

Qeveria e Dubait do t’i paguaj shtetasit e vet me ar, nëse ata humbin peshë. 

Kjo ofertë është pjesë e fushatës qeveritare për të luftuar mbipeshën, që është në rritje e sipër si fenomen në emirate.

Sfida 30 ditëshe për humbje të kilogramëve është lancuar të premten, dhe koincidon me muajin e shenjtë të Ramazanit, kur besimtarët agjërojnë tërë ditën.

Shumë njerëz hanë tepër ushqim pas iftarit, që mund të shtojë jashtëmase peshën e tyre, shumë më lartë sesa periudhës jashtë Ramazanit.

Garuesit të cilët regjistrohen nga e premtja mund të largohen me nga një gram ari, që në fillim të garës, lajmëroi autoriteti civil i Dubait, si pjesë e nismës “Pesha e juaj në ari”

Garuesit “në dietë” mund të fitojnë monedha ari që vlejnë 20,000 dirham apo $5,400.

Pjesëmarrësit duhet të humbin minimum 2 kilogramë, për t’u kualifikuar në këtë garë./Eklips-Media/

Kanye West rreh paparacin, e ben per spital

Ndihmës mjekësit janë thirrur në vendngjarje, pasi Kanye West u përlesh me një fotograf në aeroportin ndërkombëtar të Los Angeles, të premten. 

36-vjeçari, i cili sapo është bërë baba, pas fëmijës së lindur nga Kim Kardashian, është përfshirë në një grindje me fjalë me një paparac, i cili u soll në një mënyrë disi agresive, sipas TMZ.



Ai raportohet të ketë lënë terminalin me një bodyguard dhe i rrethuar nga të paktën 5 paparacë.



Fotografi i kishte bërë disa pyetje, pavarësisht se Kanye i kërkoi atij të mos e merrte në intervistë. Kanye akuzohet se ishte përpjekur t’i jepte disa goditje me grusht, duke e rrëzuar fotografin në tokë, sipas uebsajtit.



Ndihma mjekësore dhe policia u thirrën menjëherë në vendngjarje dhe fotografi është larguar me ambulancë, ndërsa Kanye - si pa të keq - u largua me bodyguard-in e tij me makinën e tyre.